Қазақ халқы ұстазын сыйлап, құрметтеген ел. «Ұстазы жақсының ұстамы жақсы» деп адамға қарап, ұстазын таныған. Ozattar.kz сайтының редакциясы «Мұғалімдер күні» қарсаңында мәртебелі мамандық иелері туралы қанатты сөздерді назарларыңызға ұсынады.
- Адамның адамгершілігі жақсы ұстаздан
Абай Құнанбайұлы
2. Ұстаздық — ұлық емес, ұлы қызмет.
Бауыржан Момышұлы
3. Мен үшін жақсы мұғалім бәрінен де артық, өйткені мұғалім — мектептің жүрегі.
Ыбырай Алтынсарин
4. «Ұстаз» деген ұлағатты атауды естігенде, күні бүгінге дейін өзімді шәкірттей сезінемін.
Серке Қожамқұлов
5. Ұстаз болу – өз уақытын аямау, өзгенің бақытын аялау.
Жан-Жак Руссо
6. Мұғалім ісі сырттай қарапайым болғанмен – тарихтағы ең ұлы істің бірі
К.Д. Ушинский
7. Мұғалім-зор тұлға,ол күннің құдіретті сәулесі сияқты.
К.Д. Ушинский
8. Егер мұғалім өн бойына, өз ісіне, шәкіртіне деген сүйіспеншілікті жинақтаса, ол – нағыз ұстаз.
Л.Н.Толстой
9. Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім.
Ахмет Байтұрсынов
10. Жай мұғалім хабарлайды,
Жақсы мұғалім түсіндіреді,
Керемет мұғалім көрсетеді.
Ұлы мұғалім шабыттандырады.
Уильям Уорд, ағылшын ағартушысы