Ергалиева Гулшара Абдирешқызы

Жетістіктері

Ақтөбе облысы, Байғанин ауданы Қаражар орта мектебі

Еңбек өтілі 31 жыл. І санатты педагог
Байғанин аудандық білім бөлімі мен аудандық оқушылар үйінің алғыс хатымен марапатталды. Облыстық «Жас суретші» және «Шебер қолдар» шығармашылық жоба байқауында 1-орын иеленді. «Үздік ғылыми жоба» Республикалық байқауында дипломмен марапатталды. Халықаралық ғылым мен білімді қолдау орталығының «Мәртебелі маман-2017» байқауында диплом табысталды. Оқушылары Martebe.kz республикалық білім порталында ұйымдастырылған «Күз-береке бастауы» байқауында жүлдегер атанып, дипломмен марапатталды.
Аудандық, Республикалық ғылыми-практикалық конференцияларда баяндамалар жасады. «Бала ұлттық негізде тәрбиеленуі тиіс» және «Жаңа технология –сапалы білімге жол» оқу- әдістемелік құралының авторы. «Ата-баба мұрасын насихаттаудағы технология пәнінің ролі» аудандық конференциясында баяндама жасады, 2013 жыл. Республикалық «Мектептегі технология», «Әдіскер жаршысы» ғылыми-әдістемелік журналдарға баяндамалары жарияланып шықты.
Оқушылары аудандық, облыстық деңгейдегі сурет көрмелері мен қолөнер байқауларында топ жарып жүр. Республикалық қашықтық байқауларында жүлдегер оқушыларды дайындаған.