Тлеумагамбетова Сара Мырзабековна

Жетістіктері

Маңғыстау облысы, Жаңаөзен қаласы №9 орта мектеп

Еңбек өтілі 28 жыл. Жоғары санатты педагог

2014 жылы «Жас ұрпаққа білім мен тәрбие беруде кәсіби және шығармашылық ізденіспен атқарған еңбегі үшін» «Өрлеу» біліктілікті арттыру ұлттық орталығының грамотасымен марапатталды. 2015 жылы ұстаз Қазақ хандығының 550 жылдығы, Қазақстан халқы Ассамблеясының 20 жылдығына арналған «Тіл сарбазы – 2015» қалалық байқауында команда құрамымен ІІІ орын иеленді. 2016 жылы «Ата жұртын аңсаған Т.Айбергенов» атты халықаралық ғылыми-теориялық конференцияда «Т.Айбергенов шығармаларының қазақ әдебиетіндегі өзіндік орны» тақырыбында баяндама оқып, алғыс хатпен марапатталды. Мақаласы жинаққа енді. 2017 жылы Алматыда өткен «Т. Айбергенов поэзиясы және қазіргі заман» атты халықаралық ғылыми-теориялық конференцияда Т. Айбергенов поэзиясының көркемдік өрісі» тақырыбында баяндама жасап, Қазақстан Жазушылар одағы басқармасының сертификатымен мадақталды.Халықаралық ғылым мен білімді қолдау орталығының қолдауымен өткен «Мәртебелі маман – 2017» республикалық байқауда үздік нәтиже көрсеткені үшін дипломмен марапатталды. 2017 жылы «Тарих пен тағылым. Алаш қозғалысына 100 жыл» атты облыстық ғылыми-тәжірибелік конференцияда «Ұлт зиялысы - Ж. Мыңбаев» тақырыбында баяндама оқыды. 2017 жылы ҚР-ның орта білім беру мазмұнын жаңарту аясында «Қазақ тілі» пәнінен Республикалық «Үздік ашық сабақ» байқауында кәсіби шыңдалған шеберлігі үшін І дәрежелі дипломмен марапатталды. «Сын тұрғыдан ойлауға үйретудің оқушылардың құзіреттілігін дамытуға ықпалы» тақырыбындағы баяндамасы «Өрлеу» БАҰО» АҚ Филиалы Қызылорда облысы бойынша педагогикалық қызметкерлердің біліктілігін арттыру институты ұйымдастырған «Сындарлы оқыту теориясының түйінді аспектілерін тиімді оқыту мен оқуда пайдалану: өзгерістер мен мүмкіндіктер» тақырыбындағы Республикалық ғылыми-практикалық оn-line конференциясының материалдар жинағына енгізілді. Шәкірттері аудандық, облыстық байқаулардың жүлдегері.