Рахымбаева Жалгас Солтановна

Достижения

Алматы облысы, Кеген ауданы А.Нүсіпбеков атындағы орта мектеп
Еңбек өтілі 33 жыл. І санатты педагог

Республикалық ғылыми- танымдық педагогикалық «Химия анықтамалығы» журналына мақалалар жіберіп, іс-тәжірибесін таратып отырады. Оқушыларын да белсенді қатыстырады. «Химия анықтамалығы» журналының «Үздік слайд-2016» жылғы сайысына қатысып арнайы сертификатпен және Алғыс хатпен марапатталды. 2015 жылы шәкірті Әшімхан Назерке облыстың Кіші Ғылым академиясының ғылыми тәжірибелік конференциясына қатысып, жүлделі II орын иегері атанды, республикалық конференцияға жолдама алып, республикалық жарыстан Алғыс хатпен марапатталды. Қашықтан өткізілген республикалық химия олимпиадасына шәкірті Шора Айдана қатысып қола жүлдені иемденді. Тәжірибелі ұстаз еңбегі үнемі еленіп отырады. «Оқушыларды ҰБТ-ға дайындаудың әдістемелік ұйымдастыру мәселелері» атты семинарда белсенділік көрсеткені үшін 2014 жылы Білім және жаңа инновациялық технологиялар орталығынан Алғыс хат алса, осы жылы Алматы облысы Білім басқармасының Құрмет грамотасымен марапатталды. Жылдың үздік мұғалімі-2016» аудандық олимпиадасына қатысып, II орынға табан тіреді. 2015 жылы аудандық білім беру саласындағы шығармашылық еңбегі мен жас ұрпақты оқыту мен тәриелеудегі қызметі үшін аудандық оқу бөлімінің Мақтау грамотасын иеленсе, 2016 жылы Аудан әкімінің Құрмет грамотасымен марапатталып, мерейі үстем болды. Өз ұжымында, аудан көлемінде, облыс, республика көлемінде танылып келе жатқан ұстаздың әлі де талай биіктерді бағындырары сөзсіз.